Nedersetting

Soek

Die nedersetting is gele√ę op die eskarpement in die Magaliesberg reeks met vergesigte oor die Bronberge.

350 erwe is op die nedersetting  uitgesit waarvan 300 erwe reeds bebou is. Elke beboude erf word bedien met `n water aansluiting en `n elektriese aansluiting.

Binne die nedersettingsgebied kom verskeie ontwikkelings voor

Die uitsigerwe op die eskarpement wat direk uitkyk oor die wildpark en die Bronberge is feitlik almal beboud en het elk `n oppervlakte van ongeveer 750 vk m. In die algemeen wissel erwe in die nedersetting tussen 600 vk m en 1000 vk m. Spesifieke ontwikkelings soos die Houthuispark, waar slegs mooi houthuise opgerig is, is gelee op erwe van tussen 300 vk m en 500 vk m. In die Dagbreek woonwapark is voorsiening gemaak vir `n aantal ekonomiese erwe van 200 vk m vir een of twee slaapkamer huise. Inligting oor aftree-oorde, meenthuiskomplekse en die sorgsentrum verskyn elders. Die kern van Kleinfontein is gelee binne die nedersetting gebied en bestaan uit `n gemeenskapssaal, `n winkelkompleks, `n biblioteek, die skool, sportvelde en swembad.